Það sem þótti einna merkilegast við leikinn var fjöldi áhorfenda sem mættir voru á Wembley í kvöld, aldrei hafa fleiri mætt á kvennalandsleik á Englandi.

Áhorfendurnir á Wembley í kvöld voru 77.768, sjaldan hafa fleiri mætt á kvennalandsleik í sögunni. Þessi sömu lið mættust á Wembley árið 2014, þá mættu 45,619 og það er metið sem slegið var í kvöld.

Núverandi met yfir flesta áhorfendur á kvennaleik er 80,203 en það var á leik Bandaríkjanna og Japan í úrslitum á Ólympíuleikunum árið 2012, það munaði því litlu að þetta met hefði verið slegið í kvöld. Wembley tekur um 90 þúsund manns í sæti.