Fótbolti.net

Jóhannes Karl: Aldrei spurning í seinni hálfleik hvernig þessi leikur fari

Óskar Smári: Í dag fannst mér við gefa ódýr mörk

Jói talar um leiksýningu hjá dómurunum - „Greinilega mjög hræddir við það umtal"

Óli Kristjáns: Get ekki tekið undir það að dómgæslan hafi verið slök

Ómar Björn: Greinilega alltaf gíraðir gegn Blikunum

Lárus Orri: Sagði við mig eftir leik að þetta væri auðveld staða

Dóri Árna: Meiri trú og ástríða í augum Skagamanna

„Þú veist að það er bara einn Siggi Hall"

Guðlaugur Victor fer yfir sigurmark Frakka: Ég er nógu hraður til að díla við Mbappe

Daníel Tristan í skýjunum: Það skemmtilegasta sem ég hef gert í lífinu

Skoraði markið umtalaða - „Dómaranum fannst það sem ég skil ekki”

Ísak stoltur og talar um rán - „Ég er bara að drepast”

Vissi að þetta væri rautt: „Sagði strax við strákana að ég ætla að liggja aðeins“

Franskur blaðamaður: Yrði mikið sjokk að vinna ekki Ísland

Kristian: Ekki rétt það sem kom fram um mig

„Ef við byrjum leikina eins og seinni hálfleik getum við gert drullu góða hluti"

Ólafur Ingi stoltur af frammistöðunni - „Fyrir mér glórulaus dómur"

Mikael Egill: Er það ekki bara Frakkinn?

Stefán Teitur: Nei, það er geðveikt

Sverrir Ingi: Bónusleikur fyrir okkur

lau 09. desember 2023 09:00

Brynjar Ingi Erluson

Sölvi Geir stýrði Víkingum í úrslitaleiknum - „Arnar er í fjölskyldufríi fyrir norðan“

Sölvi Geir Ottesen

Mynd: Fótbolti.net - Hafliði Breiðfjörð

Arnar Gunnlaugsson er í fjölskyldufríi

Mynd: Jónína Guðbjörg Guðbjartsdóttir

Það vakti athygli að Sölvi Geir Ottesen, aðstoðarþjálfari Víkings, stýrði liðinu í 3-1 tapinu gegn Breiðabliki í úrslitum Bose-mótsins á Kópavogsvelli í gær, en Arnar Gunnlaugsson var fjarverandi.

Lestu um leikinn: Breiðablik 3 - 1 Víkingur R.

Blikar unnu sannfærandi sigur á Víkingum, en Íslands- og bikarmeistararnir voru að hefja undirbúningstímabilið á meðan Blikar eru að klára langt tímabil sitt.

Einstaklingsmistök kostuðu Víkinga í leiknum og sagði Sölvi að það mætti skrifa klaufaskapinn að einhverju leiti æfingaálag síðustu daga.

„Alltaf leiðinlegt að tapa úrslitaleik. Góður leikur og lærðum margt af þessum leik en alltaf leiðinlegt að tapa úrslitaleik.“

„Klaufaskapur í uppspilinu hjá okkur. Við erum í fullu fjöri á undirbúningstímabilinu og erfiðar æfingar akkúrat núna, þannig menn voru kannski þungir í löppunum sem sýndi sig í mörkunum.“

Arnar Gunnlaugsson, þjálfari Víkings, var ekki á hliðarlínunni í gær, en hann var búinn að skipuleggja frí með fjölskyldunni og því fjarverandi að þessu sinni.

Skagamaðurinn er einn af þremur sem koma til greina í þjálfarastarfið hjá sænska félaginu Norrköping.

„Hann er í fjölskyldufríi fyrir norðan og var löngu búinn að plana það. Ég tók bara þennan leik í hans fjarveru,“ sagði Sölvi sem telur að öll umræða í kringum Arnar og áhuga erlendis hafi ekki áhrif á liðið.

„Nei, við erum ekkert að spá í því akkúrat núna. Við erum á miðju undirbúningstímabili og að undirbúa okkur fyrir næsta tímabil. Það er ekki að hafa nein áhrif á það.“

Víkingar ætla sér að styrkja hópinn frekar á næstunni en liðið er í leit að styrkja bæði vörn og sókn.

„Það eru einhverjar hreyfingar sem munu eiga sér stað. Arnar Borg fór til FH og við munum bæta við einhverjum leikmönnum.“

„Við erum búnir að vera að horfa í það að bæta í vörnina og sóknina,“ sagði hann í lokin.