Stjarnan pakkaði Fjölni saman í seinni hálfleik þegar liðin mættust í Pepsi-deild karla í Garðabænum í kvöld.

Guðmundur Steinn Hafsteinsson kom Stjörnunni yfir en Bergsveinn Ólafsson jafnaði fyrir Fjölnismenn þegar lítið var eftir af fyrri hálfleik. Staðan var 1-1 í hálfleik.

Í hálfleik kom Hlynur Örn Hlöðversson inn í mark Fjölnis í stað Þórðs Ingasonar sem varð fyrir hnjaski. Það er óhætt að segja að Hlynur hafi ekki átt draumahálfleik í marki Fjölnis því hann fékk á sig fimm mörk á stundarfjórðungi, þó tekur Matthías Freyr Matthíasson fram í beinni textalýsingu að ekki sé hægt að skella skuldinni á Hlyn.

Leikurinn endaði 6-1 fyrir Stjörnuna! Stjarnan er í fjórða sæti Pepsi-deildarinnar með 13 stig, tveimur stigum á eftir toppliði Vals. Fjölnir er í níunda sæti með níu stig.

Á eftir, klukkan 19:15, er stórleikur KR og FH. Smelltu hér til að fara í beina textalýsingu frá þeim leik.

Sjá einnig:
Ruglaður seinni hálfleikur í Garðabæ - „Ég er orðlaus"

Aldrei séđ heila textalýsingarsíđu @Fotboltinet þar sem eingöngu er veriđ ađ lýsa mörkum. Læti í leik Stjörnunnar og Fjölnis. #pepsideildin #fotboltinet pic.twitter.com/Z0YkblOKr3

— Hrafnkell Helgason (@HHelgason7) June 10, 2018