Á meðal leikmanna sem gætu farið er þýski landsliðsmaðurinn Kai Havertz en það er áhugi á honum í Evrópu.

Hann hefur verið orðaður við spænska stórveldið Real Madrid, en hann er líka óvænt orðaður við Arsenal sem endaði í öðru sæti ensku úrvalsdeildarinnar á nýliðnu tímabili.

Verðmiðinn á Havertz á þessari stundu er þó sagður fæla félögin í burtu. Chelsea er að biðja um 70 milljónir punda fyrir hinn 23 ára gamla Havertz.

Lundúnafélagið borgaði um 70 milljónir punda fyrir Havertz sumarið 2021, en það er talið að ekkert félag sé tilbúið að borga meira en 50 milljónir punda fyrir hann í sumar. Havertz, sem getur leyst flestar stöður framarlega á vellinum, hefur leikið 139 leiki fyrir Chelsea og skorað 32 mörk.