Pablo Puyned í treyju Víkinga.
Pablo Punyed hefur yfirgefið KR og gengið í raðir Víkinga en Pablo var kynntur á fréttamannafundi í Fossvoginum í dag. Hann fór í viðræður við KR um nýjan samning en ekki náðist samkomulag.
KR-ingar náðu ekki Evrópusæti og viðræðurnar við Pablo sigldu í strand.
KR-ingar náðu ekki Evrópusæti og viðræðurnar við Pablo sigldu í strand.
„Samningur minn við KR er að renna út og við náðum ekki samkomulagi um nýjan. Þeir þurfa að taka erfiðar ákvarðanir fjárhagslega og við náðum ekki samkomulagi," segir Pablo.
„Ég vildi vera hluti af því sem er í gangi hjá Víkingi og þeim fótbolta sem liðið spilar. Það eru margir ungir leikmenn og svo reynslumiklir menn eins og Kári og Sölvi. Ég vil vera hluti af liði sem spilar svona fótbolta."
Pablo hefur tvisvar orðið Íslandsmeistari og vonast til að vinna til verðlauna með Víkingum.
„Víkingar eru með gott lið og frábært þjálfarateymi. Ég er hér bæði til að læra og hjálpa. Ég er mjög spenntur fyrir næsta tímabili."
Sjáðu viðtalið í heild í sjónvarpinu hér að ofan.
Athugasemdir
