Amorim með áhugaverða klásúlu - Man City sýnir Mainoo áhuga - Juve vill Silva - Liverpool gæti gert tilboð í Araujo
Venni: Get ekkert farið að sparka í ruslatunnur eða urðað yfir menn
Hemmi hafði ekki tíma í að einbeita sér að leiknum - „Það voru allir að biðja um skiptingu"
Liam Daði: Við stefnum á Laugardalsvöll og það er ekkert flókið
Karl Ágúst talar um hátt spennustig - „Allt undir á sunnudaginn"
Haraldur Freyr: Það er bara hálfleikur í þessu
Gunnar Heiðar um rauða spjald Diouck: Leiðinlegt að þurfa að fara í einhvern svona leik
Magnús Már: Það er gjörsamlega óásættanlegt
Viktor Jóns: Tók eftir því strax í vetur hvað býr í þessum gæja
Damir: Það er enginn skjálfti
Láki: Þetta réðst ekki hér
Lárus Orri kjarnyrtur „Berjast fyrir þessu og fara í svolítið fuck you mode"
Dóri Árna: Það er alveg rétt að stigasöfnun hefur verið rýr í síðustu deildarleikjum
Breki Baxter: FH leikurinn situr núna í okkur
Gummi Kristjáns léttur: Er að spila alltof aftarlega á vellinum
Túfa hefur ekki áhyggjur - „Alvöru menn taka mótlætið á kassann“
„Ekkert að rífa okkur upp til skýja fyrir að vinna Val hérna“
Valdimar Þór: Þurftum ekkert að elta þá út um allt
Sölvi eftir stórsigur á Meistaravöllum: Líst mjög vel á þetta gras hér í KR
Óskar Hrafn hugar að breytingum: Egó þjálfarans getur ekki verið að þvælast fyrir árangri liðsins
Davíð Smári: Ósáttur með að við skulum gleyma fyrir hvað við stöndum
   mið 12. febrúar 2025 13:12
Elvar Geir Magnússon
Helsinki
„Innst inni held ég að allir hafi skilning fyrir þessu“
Daníel Hafsteinsson.
Daníel Hafsteinsson.
Mynd: Fótbolti.net - Haukur Gunnarsson
Mynd: Fótbolti.net - Haukur Gunnarsson
Mynd: Fótbolti.net - Haukur Gunnarsson
Daníel Hafsteinsson gekk í raðir Víkings frá KA í vetur og hefur smellpassað í liðið og leikið vel á undirbúningstímabilinu. Spurning er hvort hann verði í byrjunarliðinu á morgun, þegar Víkingur mætir Panathinaikos í fyrri viðureign liðanna í umspili Sambandsdeildarinnar.

Daníel spjallaði við Fótbolta.net á hóteli Víkings í Helsinki í dag, áður en hann gerði sig kláran fyrir síðustu æfingu fyrir leikinn stóra.

„Ég er mjög spenntur. Þetta er fyrsti alvöru keppnisleikurinn hjá mér. Það er mjög skemmtilegt að takast á við svona stórt verkefni strax, þess vegna er maður í þessu. Ég held að það sé bullandi sjálfstraust í liðinu. Það er búið að gera frábæra hluti í Evrópu og ég held að það sé engin ástæða fyrir öðru en að fara fullgíraðir í þennan leik," segir Daníel.

Hvað veit hann um Panathinaikos liðið, mótherja morgundagsins?

„Þetta eru alvöru gæjar sem hafa spilað út um alla Evrópu og eru vanir töluvert hærra tempói en íslenska deildin. Þeir eru frábærir í fótbolta en við erum það líka og verðum bara að jafna þá út."

Sturlað að geta tekið þátt í svona ævintýri
Eins og áður segir hefur Daníel leikið vel með Víkingi í vetur en hann fékk hrós frá nýjum þjálfara liðsins, Sölva Geir Ottesen, á dögunum.

„Þetta hefur bara verið helvíti gott. Maður er búinn að koma sér aðeins í form og er kominn í fínasta form núna. Maður þarf að taka þessu alvarlega ef maður ætlar að fá að spila eitthvað og þetta hefur bara gengið fínt. Þetta er frábært lið og vel skipulagt og rútinerað. Þá er bara þokkalega fínt að komast inn í það."

Er ekki gaman að geta tekið þátt í svona ævintýri með íslensku félagsliði?

„Það er bara sturlað. Þetta er ógeðslega gaman. Maður er með smá reynslu af því að taka þátt í Evrópu með KA þó við höfum ekki náð að komast svona langt þar. Þetta er skemmtilegt."

Auðvitað eru tilfinningar í þessu
Daníel rifti samningi sínum við KA í vetur og samdi við Víking. Það var að sjálfsögðu mikið högg fyrir KA að missa einn sinn besta mann. Hvernig var aðdragandinn að þessum skiptum?

„Árið áður var ég búinn að pæla í því að breyta aðeins til. Ég hef búið á Akureyri lengi og þekki hvern krók og kima að þar. Það var búið að blunda í mér að breyta til. Svo segi ég upp samningnum þarna og ég held að allir hafi verið meðvitaðir um það að ég myndi vilja prófa eitthvað nýtt. Auðvitað eru tilfinningar í þessu en innst inni held ég að allir hafi skilning fyrir þessu," segir Daníel sem er mjög sáttur með sína ákvörðun.

„Þetta er frábær hópur og geggjað lið. Svo ég er bara sáttur."
Athugasemdir