Guðni um Telmu: Svo gaman að taka þátt í þessu með henni
Telma var valin í landsliðið á sínum tíma
Mynd: Fótbolti.net - Hafliði Breiðfjörð
Telma var valin í landsliðið á sínum tíma
Mynd: Fótbolti.net - Hafliði Breiðfjörð
FH vann 1-0 sigur á Augnablik í Lengjudeild kvenna í gær en Telma Hjaltalín Þrastardóttir kom inná sem varamaður og skoraði markið. Þetta var sjöunda mark hennar í deildinni í sumar.
Telma hefur verið að berjast mikið við meiðsli en hún skrifaði undir samning við FH í vetur um að spila með liðinu í sumar. Hún hafði ekki spilað fótbolta frá árinu 2018.
Hún hefur m.a. þrisvar slitið krossband á sama hné.
„Það er svo gaman að fá að taka þátt í þessu með henni, þetta er búið að vera mikil þrautaganga fyrir hana. Það að hún geti reimt á sig takkaskóna og farið út á völl og skipt þetta miklu máli fyrir FH er frábært fyrir okkur og hana," sagði Guðni Eiríksson þjálfari FH í viðtali við Fótbolta.net eftir leikinn í gærkvöldi.
Sjá einnig:
Telma mætt aftur: Á stað sem ég bjóst ekki við að komast á
