Harry Maguire, varnarmaður Manchester United, segist ánægður hjá félaginu og vill fá að spila.
Maguire hefur ekki byrjað í fyrstu fjórum deildarleikjum tímabilsins en hann fékk möguleikann að yfirgefa félagið í sumar.
West Ham lagði fram 30 milljóna punda tilboð sem United samþykkti en Maguire hafði ekki áhuga á að fara til Lundúnarfélagsins.
Hann ákvað að vera áfram og berjast fyrir sæti sínu en hann er þó enn hluti af enska landsliðinu og kom við sögu í verkefninu í september.
„Ég skoðaði alla möguleika og ég veit að í augnablikinu, þegar ég hef ekki byrjað í fyrstu fjórum leikjum tímabilsins, að sagan snýr að mér.“
„Ég vil spila fótbolta með mínu félagasliði. Ég vil spila leiki.“
„Fyrstu fjórar vikurnar voru erfiðar því það var einn leikur í viku og stjórinn valdi mig ekki en það eru margir leikir framundan og ég er viss um að ég fái að spila nóg af leikjum,“ sagði Maguire.
Athugasemdir
