Gunnar á völlum spáir í leiki helgarinnar á Englandi

ENSKA ÚRVALSDEILDIN:

Wolves 2 - 2 Leicester (20:00 í kvöld)
Það kemur í raun ekkert annað til greina en að negla góðu 2-2 jafntefli á þennan Miðlandaslag. Það er sama hvar drepið er niður fæti í þessum spádóm það er ekkert að koma í veg fyrir þessi úrslit. Ég ætla setja 12 þúsund krónur á jafntefli á Lengjunni.

Southampton 2 - 0 Burnley (12:30 á morgun)
Það kann ver að vera að margir setji upp spurningarmerki við þetta útspil. Líklegast er að allir negli í stíft jafntefli á þennan leik en á einhverjum tímapunkti í lífinu er nauðsynlegt að taka áhættu.

Norwich (frestað) Liverpool (17:30 á morgun)
Það er alltaf gott fyrir enska knattspyrnu að ekki sé leikið á Dritvangi, heimavelli Skítfuglana. Það má búast við því að veðurguðir komi til bjargar og að tjón af völdum stormsins Dennis komi í veg fyrir að leikurinn fari fram. Ef svo óheppilega vill til að leikurinn fari fram þá verður 0-3 sigur Liverpool síst of stór.

Aston Villa 0 - 2 Tottenham (14:00 á sunnudag)
Við skulum ekki dvelja of lengi við það sem ekkert er.

Arsenal 4 -1 Newcastle (16:30 á sunnudag)
Virkilega áhugaverð rimma í Lundúnum þar sem eru að fara takast á kraftar viðbjóðslegra úrslita síðustu vikna. Bæði lið geta státað sig af einum til tveimur áhugaverðum úrslitum það sem af er ári en meira og minna skítléleg jafntefli. Newcastle er vissulega með kjammann galopinn eftir fögnuðinn að hafa óvart unnið Oxford í bikar en Arsenal á negla vinstri krók á kjamma Newcastle og smella þeim úr kjálkalið.

Chelsea 1 - 1 Manchester United (20:00 á mánudag)
Það er engu logið um það að hér er á ferðinni einn af leiðinlegustu leikjum tímabilsins. Samt er bara svo áhugavert að það eru svo margir sem eru enn í því að kaupa pakkaferð til London á tæpan 100 þúsund krónur gagngert til að horfa á þessi lið eigast við. Blessað fólkið.

CHAMPIONSHIP-DEILDIN:

WBA 2 - 0 Nottingham Forest (12:30 á morgun)
Fáránlega sterkt þetta dásamlega WBA-lið og klárlega að fara kíkja upp í úrvalsdeildina. Þetta er það lið sem hefur skorað allra liða mest sem af er tímabili og segir það sína sögu að öllum mörkum þeirra er meira og minna deilt niður á 7 leikmenn. Þetta er leikur þar sem WBA er að segja Nott. Forest að steinhalda kjafti.

Leeds 3 - 1 Bristol City (15:00 á morgun)
Virkilega spennandi leikur í toppbaráttu Championship. Leeds hefur gjörsamlega farið á kostum í að Leeds-a sig á síðustu vikum og eru með drulluna gjörsamlega upp á bak. Á sama tíma hefur Bristol City verið á mikilli siglingu upp töfluna með því að klára þá leiki sem þeir eiga að klára. Þessi leikur ásamt þeim næsta þar sem þeir taka á móti WBA neglir þeim aðeins niður á jörðina og kemur í veg fyrir að þeir fari í umspil.

Fulham 4 - 0 Barnsley (15:00 á morgun)
Heitasta lið Championship er aldrei að fara gera neitt en að valta yfir botnlið deildarinnar. Scott Parker er að gera gott mót á Craven Cottage og með Serbann Aleksandar Mitrović, sem hefur sett 21 mark sem af er tímabili er ljóst að fátt ætti að koma í veg fyrir að Fulham fari beint upp aftur.

ENSKA C-DEILDIN:

Ipswich 5 - 0 Burton (15:00 á morgun)
Fæst orð … virkilega lítil ábyrgð.

Sjá fyrri spámenn:
Aron Einar Gunnarsson (7 réttir)
Bjarki Már Elísson (7 réttir)
Kristján Óli Sigurðsson (6 réttir)
Pálmi Rafn Pálmason (6 réttir)
Egill Gillz Einarsson (5 réttir)
Jón Dagur Þorsteinsson (5 réttir)
Sigvaldi Guðjónsson (5 réttir)
Sóli Hólm (5 réttir)
Björn Hlynur Haraldsson (4 réttir)
Albert Brynjar Ingason (4 réttir)
Arnór Sigurðsson (4 réttir)
Ágúst Gylfason (4 réttir)
Friðrik Dór Jónsson (4 réttir)
Logi Bergmann Eiðsson (4 réttir)
Þórður Ingason (4 réttir)
Sigurður Laufdal Haraldsson (3 réttir)
Guðmundur Benediktsson (3 réttir)
Ingibjörg Sigurðardóttir (3 réttir)
Sveinn Ólafur Gunnarsson (3 réttir)
Árni Vilhjálmsson (2 réttir)
Gunnar Birgisson (2 réttir)
Stefán Jakobsson (2 réttir)
Tómas Þór Þórðarson (2 réttir)
Óttar Bjarni Guðmundsson (1 réttur)