Þýskaland: Haaland skoraði í stórsigri

Borussia Dortmund rúllaði yfir Eintracht Frankfurt í fyrsta leik helgarinnar í þýska boltanum.

Lukasz Piszczek gerði eina mark fyrri hálfleiksins en ungstirnin Jadon Sancho og Erling Braut Haaland gerðu út um leikinn í upphafi síðari hálfleiks.

Sancho gerði vel að skora eftir góða sendingu frá Axel Witsel á meðan Haaland var fullkomlega staðsettur fyrir lága fyrirgjöf Achraf Hakimi, sem spilaði í sóknarlínunni og lagði tvö mörk upp í leiknum.

Raphael Guerreiro gerði svo fjórða og síðasta mark leiksins á 74. mínútu með góði skoti utan teigs.

Dortmund er í öðru sæti deildarinnar eftir sigurinn, stigi eftir toppliði Bayern sem á, líkt og önnur lið, leik til góða.