Ásgerður Stefanía Baldursdóttir.
„Ég held að það verði meira en tvö lið að berjast um titilinn. Ég held að þetta verði jöfn barátta," sagði Ásgerður Stefanía Baldursdóttir fyrirliði Stjörnunnar um komandi baráttu í Pepsi-deild kvenna.
Stjarnan varð Íslands og bikarmeistari í fyrra og liðið stefnir á að vinna titilinn þriðja árið í röð. „Mér fannst þetta erfitt í fyrra. Þó að allir hafi skrifað titilinn á okkur snemma þá var þetta erfitt alveg til enda."
Ásgerður er nýkominn aftur til Íslands eftir að hafa verið í tvo mánuði á láni hjá Kristianstad í Svíþjóð.
„Mér finnst ég hafa grætt á því að fara þó að þetta hafi verið stuttur tími. Þetta er gríðarlega sterk deild og ég veit ekki hvort við áttum okkur á því hvað er mikill munur á deildunum."
„Það eru fleiri góðir leikmenn úti og þú ert að mæta landsliðsmönnum í hverri einustu stöðu í hverjum einasta leik. Hvert lið er með 16-17 góða leikmenn á meðan flest lið heima eru með 7-12 topp klassa leikmenn.," sagði Ásgerður sem kann betur við búning Stjörnunnar en búning Kristianstad.
„Mér fannst erfitt að vera í rauðum búning. Ég hélt að rautt myndi fara mér betur. Blátt er það sem fer mér best og mér líður best í."
Hér að ofan má sjá viðtalið í heild sinni.
Athugasemdir
