Tindastóll stal stigi á Sauðárkróksvelli í kvöld gegn Þrótti þegar þær náðu að jafna leikinn á 90. mínútu leiksins.
Spurður um leikinn svaraði Halldór Jón Sigurðsson, Donni, þjálfari liðsins: „Ótrúlega stoltur af stelpunum, voru svo frábærar og hérna, gerðu þessi svona grunngildi sem eru í fótbolta og öðrum íþróttum yfir höfuð að berjast og leggja sig fram og bara gefa allt í þetta. Þær voru algjörlega frábærar þar og til fyrirmyndar og ég er bara svo stoltur af þeim svona heilt yfir með þennan leik.“
Lestu um leikinn: Tindastóll 1 - 1 Þróttur R.
Mikla athygli vakti að Brookelynn Paige Entz, fyrrum leikmaður Grindavíkur/Njarðvíkur í Lengjudeildinni var skráð í liðsstjórn hjá Tindastól á skýrslunni aðspurður hvort hann væri með einhverjar sögur af því svaraði Donni:
„Já ég er með þær svo sannarlega, það var þannig að við fengum til okkar Brookelynn Entz og hérna og Grindavík frábærir félagar okkar þeir, það var allt komið frá þeim og allir pappírar frá okkur, búið að skila öllu inn til knattspyrnusambandsins á mánudegi en mér skilst að þetta strandi á einhverjum stimpli frá Útlendingastofnun til Vinnumálastofnunar ef ég skil þetta rétt.“
„Þannig að þetta strandi á einhverri ríkisstofnun og að við getum ekki fengið leikmann sem er mættur á staðinn og búinn að æfa og kominn í gír sem er nottlega algjörlega sorglegt að þetta skuli taka svona langan tíma og þetta er eitthvað sem þarf að skoða, þetta er bara algjör fásinna og ef við erum alveg hreinskilin hérna ég og þú þá mundi þetta líklega ekki tíðkast, mögulega í karlaboltanum og mögulega í öðrum íþróttum sem við þekkjum ágætlega hérna á Sauðárkróki til dæmis.“
Leikmannahópur Tindastóls er ekki stór og lítið má útaf bregða, tveir leikmenn í byrjunarliðinu í kvöld mega ekki spila í næsta leik, Guðrún Þóra er á láni frá Breiðablik og Hrafnhildur Salka verður í banni í eftir að hafa fengið 4 gula spjaldið í kvöld. Spurður út í það:
„Jú ég er bara spenntur og það hérna fá bara aðrar tækifæri, það komu hérna inn tveir leikmenn i dag sem hafa ekki mikið verið að spila í sumar og stóðu sig vel og við hérna vonumst til þess að þær æfi svo bara vel í vikunni fram að næsta leik og taki þá bara sín hlutverk sem þær fá.“
