„Það er tómleikatilfinning einhver," sagði Hannes Þór Halldórsson, markvörður landsliðsins, eftir markalaust jafntefli gegn Tyrklandi.

„Við erum búnir að vera með þetta markmið í marga mánuði, að komast á EM með því að klára riðilinn. Við vissum eftir síðasta landsleikjaglugga að það yrði langsótt, en við höfðum trú á þessu."

Lestu um leikinn: Tyrkland 0 -  0 Ísland

„Við höfum haft trú á Tyrkjunum og við vissum að ef við myndum vinna þá, þá myndum við setja töluverða pressu á þá."

„Núna er þetta farið, en við erum mjög gíraðir og peppaðir að klára þetta í umspilinu í mars."

Ísland fer að öllum líkindum í umspil í mars um sæti á lokakeppni EM.

Ísland er með 16 stig í þriðja sæti riðilsins, en á ekki möguleika fyrir síaðsta leikinn gegn Moldóvu.

„Það er galið að við séum með 16 stig og eftir fína undankeppni að eiga ekki séns fyrir lokaleik. Við erum búnir að eiga fína undankeppni að mörgu leyti. Tyrkirnir hafa átt frábæra undankeppni og allt fallið með þeim."

Viðtalið er í heild sinni hér að ofan.

Tweet

Senda a Facebook Hafdu samband Senda frétt Prenta frétt Frétta leit