Guðmundur Þórarinsson var í byrjunarliði AaB sem tapaði heimaleik gegn Bröndby í Evrópubaráttu dönsku deildarinnar.
Álaborg lenti undir í fyrri hálfleik og missti svo mann af velli fyrir leikhlé þannig brekkan var ansi brött fyrir Gumma og félaga eftir leikhlé.
Gestirnir í Bröndby bættu öðru marki við áður en Gumma var skipt af velli en lokatölur urðu 1-3.
Eftir tapið eru liðin jöfn á stigum í fjórða og fimmta sæti. Fjórða sætið veitir þátttökurétt í Sambandsdeildina í haust.
Álaborg er með betri markatölu en spilar við topplið FC Kaupmannahafnar í lokaumferðinni.
Aalborg 1 - 3 Bröndby
0-1 Simon Hedlund ('27)
0-2 Simon Hedlund ('59)
Mikael Anderson og Jón Dagur Þorsteinsson spiluðu fyrri hálfleikinn í 1-0 tapi AGF gegn Viborg.
Clint Leemans gerði eina mark leiksins í fyrri hálfleik en gestirnir frá Árósum áttu í miklum erfiðleikum með að skapa sér færi.
AGF er þremur stigum fyrir ofan fallsvæðið fyrir lokaumferðina, þar sem liðið spilar við Nordsjælland. Strákarnir í AGF geta þó verið rólegir þar sem þeir eru með mun betri markatölu heldur en Vejle sem er í fallsætinu.
Viborg 1 - 0 Århus
1-0 Clint Leemans ('29)
Í Noregi mættust Start og Sogndal og voru þrír Íslendingar í byrjunarliði Sogndal. Bjarni Mark Antonsson leikmaður Start var ekki með.
Valdimar Þór Ingimundarson gerði eina mark Sogndal í 5-1 tapi en Hörður Ingi Gunnarsson þurfti að fara meiddur af velli eftir aðeins átta mínútna leik.
Jónatan Ingi Jónsson var einnig í byrjunarliði Sogndal sem var að tapa sínum fyrsta leik á deildartímabilinu.
Liðin mættust í B-deildinni og skoraði Jonatan Brunes þrennu í leiknum. Hann er kominn með 9 mörk í fyrstu 6 deildarleikjum tímabilsins.
Start er í öðru sæti með 13 stig eftir 6 umferðir á meðan Sogndal er með 11 stig.
Start 5 - 1 Sogndal
1-0 K. Tonnesen ('4)
2-0 J. Brunes ('36)
3-0 J. Brunes ('48)
3-1 Valdimar Þór Ingimundarson ('68)
4-1 J. Brunes ('74)
5-1 B. Ndong ('87)
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Midtjylland | 22 | 15 | 3 | 4 | 43 | 23 | +20 | 48 |
2 | Brondby | 22 | 14 | 5 | 3 | 44 | 20 | +24 | 47 |
3 | FCK | 22 | 14 | 3 | 5 | 45 | 23 | +22 | 45 |
4 | FC Nordsjaelland | 22 | 10 | 7 | 5 | 35 | 21 | +14 | 37 |
5 | AGF Aarhus | 22 | 9 | 9 | 4 | 26 | 21 | +5 | 36 |
6 | Silkeborg | 22 | 8 | 3 | 11 | 28 | 32 | -4 | 27 |
7 | OB Odense | 22 | 6 | 6 | 10 | 25 | 32 | -7 | 24 |
8 | Lyngby | 22 | 6 | 5 | 11 | 27 | 39 | -12 | 23 |
9 | Viborg | 22 | 6 | 5 | 11 | 24 | 37 | -13 | 23 |
10 | Randers FC | 22 | 5 | 8 | 9 | 23 | 37 | -14 | 23 |
11 | Vejle | 22 | 4 | 7 | 11 | 19 | 26 | -7 | 19 |
12 | Hvidovre | 22 | 2 | 5 | 15 | 17 | 45 | -28 | 11 |