„Þetta var það minnsta sem að við áttum skilið, það var allavega að fá eitt stig útúr þessu. Mér fannst við spila vel, við leystum það að spila upp völlinn og koma okkur í fyrirgjafastöður og ágætis færi. Við fengum kannski ekki mikið af dauðafærum og hefðum getað gert betur í þeim stöðum sem við fengum. Eftir að þeir skora uppúr engu, að þá fannst mér við verið með leikinn í hendi okkar,'' sagði Brynjar Björn Gunnarsson, þjálfari HK eftir dramatískt jafntefli KA og HK í Pepsi Max deild karla.

Lestu um leikinn: KA 1 -  1 HK

„Uppleggið var bara svolítið eins og leikurinn spilaðist, fara útá kantana og spila framhjá þeirra kantmönnum. Við náðum að komast á bakvið bakverðina trekk í trekk, síðan náðum við upp ákef, sem hafði vantað frá því í síðasta leik. Við megum vera aðeins gráðugir áfram á tímabilinu, þó að það sé lítið eftir af því,'' sagði Brynjar.

Björn Berg Bryde fékk að líta rauða spjaldið í leiknum. Hvernig horfði sá dómur við Brynjari?

„Óþarfi bara. Ég man ekki hvernig fyrra gula spjaldið var, en mér fannst þetta ekki grófur leikur. Hann var vel spilaður af báðum liðum og heiðarlegur. Mér fannst svona óþarfi að vera að henda mönnum útaf fyrir smotterí.''

Viðtalið má sjá í heild sinni í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit