| lau 16. nóvember 2019 16:06 |
|
Guðni Bergs: Bjartsýnn á að leika á Laugardalsvelli í mars
Guðni Bergsson á æfingu Íslands í dag.
Laugardalsvöllur.
Fótbolti.net ræddi við Guðna Bergsson, formann KSÍ, í dag.
„Við komumst ekki upp úr riðlinum en viljum enda þetta sterkt með sigri á móti Moldóvum og sjáum svo til með umspilið," sagði Guðni.
Guðni var spurður út í frammistöðu landsliðsins í riðlakeppninni.
„Heilt yfir fannst mér frammistaðan með ágætum í riðlinum. Það voru leikir eins og útileikurnir gegn Frökkum og Albönum, í Albaníu hefðum við mátt ná í stig. Heilt yfir sóttum við þessi stig sem búist var við."
Hvernig metur hann leikinn gegn Moldóvu?
„Við megum alls ekki vanmeta Moldóva sem eru í uppsveiflu. Þeir voru óheppnir gegn Frökkum og við verðum að vara okkur gegn þeim. Við viljum sækja sigur og munum gera það."
Guðni var næst spurður út í umspilið í mars og hvernig málin stæðu varðandi Laugardalsvöll. Ljóst er að undanúrslitaviðureign Íslands verður heimaleikur Íslands.
„Ég er bjartsýnn á að við leikum á Laugardalsvelli í umspilinu. Það er ekki allt í okkar höndum, veðurfarið mun skipta miklu máli með það en Kristinn vallarstjóri og okkar starfsmenn munu með öllum ráðum gera það sem hægt er til að leikurinn geti farið fram."
„Ef það tekst ekki að spila leikinn á Íslandi þá verðum við að fara erlendis með hann og það verður þá Danmörk eða eitthvað annað. Þetta bendir á þá staðreynd að við þurfum einhverjar breytingar með okkar vallarmál. Við erum að spila mótsleiki í nóvember og mars sem við ráðum illa við á Laugardalsvellinum."
„Við setjumst betur yfir þetta í næstu viku og erum búin að gera okkar frumathuganir. Við förum í það í næstu viku að gera nauðsynlegar ráðstafanir," sagði Guðni að lokum.
Athugasemdir
Nýjustu fréttirnar
20:10
19:46
19:36
19:35
19:35
13:43
23:11
23:00
Skýrslan: Eitt lið á vellinum í seinni hálfleik
21:21
Skýrslan: Vinnusigur Víkinga
