Fótbolti.net

Sameiningaviðræður ÍR og Leiknis: Sumir láta hreinlega tilfinningarnar ráða

Gylfi Tryggva: Höfum sótt einn leikmann innanlands og það var landsliðsmaður

Óskar Smári: Klúbburinn hefur þróast í rétta átt

Markadrottningin komin heim: Voru möguleikar úti en Breiðablik besti kosturinn

Bragi Karl: Var ekki í hlutverkinu sem ég vildi vera í

Ingi Þór: Engir grínleikmenn að spila í minni stöðu hjá ÍA

„Fór í viðræður við fullt af klúbbum"

Atvinnumaðurinn Logi Tómasson - Þriðji hluti

Atvinnumaðurinn Logi Tómasson - Annar hluti

Atvinnumaðurinn Logi Tómasson - Fyrsti hluti

Fékk Skagaelítuna á bakið - „Eflaust brotið einhver hjörtu hefði ég ekki komið“

Tekur við eftir að leikmenn neituðu að spila fyrir félagið

Lítur fyrst og fremst á sig sem Norðmann - „Mig langar bara að vinna"

Siggi Lár: Ætla ekki ræða einhver ákvæði í samningnum núna

Valdi Keflavík fram yfir ÍBV - „Þykir rosalega vænt um fólk í Eyjum“

Gummi Magg: Sá fyrir mér öðruvísi endi með uppeldisfélaginu

Fótbolta nördinn - Fótbolti.net vs Fylkir

„Myndi ekki vilja fara aftur upp á geðheilsuna“

17 ára á toppnum í Danmörku - „Finnst ég vera á sama getustigi ef ekki betri“

Ísak Andri tók fund með meisturunum - „Skoða alla möguleika núna í janúar“

lau 18. júlí 2020 19:28

Sæbjörn Þór Þórbergsson Steinke

Gary gagnrýnir bæði dómaratríóið og upplegg Þórsara harkalega

Gary var ekkert alltof sáttur í leikslok en tók við stiginu.

Mynd: Fótbolti.net - Hafliði Breiðfjörð

„Þetta er gott stig, við vildum fá þrjú en við tökum stigið," sagði Gary Martin, leikmaður ÍBV, eftir jafntefli við Þór.

Lestu um leikinn: Þór 1 - 1 ÍBV

Gagnrýnir upplegg Þórsara
„Þeir spiluðu 5-4-1 (leikkerfið) á heimavelli sem er algjörlega hryllilegt. Þeir fengu eitt færi í fyrri hálfleik en gerðu annars ekkert. Þeir brutu endalaust allan leikinn og því tökum við stigið og förum heim með það," bætti Gary við. Fréttaritari spurði Gary nánar út í þessa gagnrýni á upplegg Þórsara.

„Hvernig geturu spilað 5-4-1 á heimavelli? Sumir segja að við spilum með fimm en við gerum það ekki. Við spilum 3-4-3. Þeir leggja upp með að ná í eitt stig á heimavelli sem er svívirðilegt og það sem þeir gerðu án bolta er brandari. Þú sérð hvað það voru mörg höfuðmeiðsli, það voru olnbogar á lofti."

Ósáttur með dómara leiksins
„Alltaf þegar ég tók á sprett þá var brotið á mér og dómarinn hlýtur að hafa verið með sólgleraugu því hann virtist ekki sjá neitt. Svona er þetta og vonandi fáum við ekki þennan dómara aftur."

Gary var spurður seinna í viðtalinu út í línuna í leiknum en Gary kvartaði mikið yfir því að Þórsararnir fengju að brjóta á sér án þess að dæmt væri á þá.

„Þetta er brandari. Þeir voru með einhverjar athugasemdir í fyrri hálflleik um að brot væri dæmt því að ég væri að biðja um þau. Dómarinn gaf mér ekkert og línuverðirnir eru með flögg sem þeir kusu að veifa ekki. Einu flöggin sem hreyfðust voru á hornfánunum. Um leið og Þórsari biður um eitthvað fara flöggin á loft og þeir veifa þeim eins og þau væru glæný. Þessir dómarar voru hryllilegir."

Gary fékk að líta gula spjaldið undir lok leiks. Hver vegna var það?

„Ég spurði dómarinn spurningar. Ég held ég hafi spurt hann hvort línuvörðurinn ætlaði sér ekki að nota flaggið sitt og svo fæ ég gult spjald. Þetta er brandari. Ég var leiðinlegur við línuvörðinn líklegast allan leikinn og því var hann líklega búinn að fá nóg af því en þetta er brandari, viljið þið vinsamlegast nota flöggin ykkar og vinsamlegast flautaðu í flautuna," sagði Gary.

Viðtalið í heild sinni má sjá í spilaranum hér að ofan.