| sun 18. ágúst 2019 20:09 |
|
Brynjar Björn: Búnir að vinna fyrir því
Brynjar Björn Gunnarsson, þjálfari HK.
HK komst yfir með marki Atla Arnarssonar úr vítaspyrnu sem dæmd var á Grindavík eftir brot á Birki Val Jónssyni en áður en yfir lauk jafnaði Grindavík með marki frá Stefan Alexander Ljubicic.
Lestu um leikinn: Grindavík 1 - 1 HK
„Þannig séð ósáttur með úrslitin. Í sjálfu sér ekki slæmt að koma hingað og ná jafntefli en ósáttur með úrslitin eftir að hafa leitt leikinn og getað komist í 2-0 fljótlega eftir að við skorum 1-0 og fáum bara ágætis möguleika og færi til þess að vinna leikinn," sagði Brynjar Björn Gunnarsson þjálfari HK um sín fyrstu viðbrögð eftir leik.
HK hefur komið verulega á óvart með leik sínum í sumar og sat fyrir leiki dagsins í 4.sæti deildarinnar. Hefði Brynjar ekki tekið því fegins hendi fyrir mót?
„Já já hvar sem maður hefði verið settur fyrir tímabilið og hvar sem maður er núna skiptir ekki máli. Við erum búnir að vinna fyrir því að vera í 4,sæti það er kannski það sem skiptir máli og við erum ennþá að leggja hart að okkur og gera eins vel og við mögulega getum.“
Sagði Brynjar Björn Gunnarsson þjálfari HK en viðtalið við hann má sjá hér að ofan.
Athugasemdir
Nýjustu fréttirnar
15:00
10:30
