Samatta er 27 ára gamall framherji en hann hefur leikið með Genk í Belgíu síðustu þrjú árin.

Hann skoraði 75 mörk í 191 leik fyrir félagið en er nú mættur í ensku úrvalsdeildina.

Aston Villa gekk í kvöld frá kaupunum á Samatta og borgar 10 milljónir punda fyrir hann en hann á þó enn eftir að fá atvinnuleyfi.

Samatta gerði fjögurra og hálfs árs samning við Aston Villa en félagið vonast til þess að hann verði klár fyrir leikinn gegn Bournemouth þann 1. febrúar.

Hann er frá Tansaníu en hann á möguleika á því að verða fyrsti knattspyrnumaðurinn frá Tansaníu til að spila í ensku úrvalsdeildinni.