Joey Barton.
Lífið er ekki að leika við fyrrum fótboltamanninn Joey Barton þessa dagana.
Um síðustu helgi var hann handtekinn grunaður um líkamsárás nærri golfvelli í Liverpool. Atvikið átti sér stað á síðasta sunnudag, skammt frá Huyton and Prescot golfklúbbnum sem er í Liverpool. Lögregla mætti á staðinn og fann mann með áverka á andliti og rifbeinum.
Um síðustu helgi var hann handtekinn grunaður um líkamsárás nærri golfvelli í Liverpool. Atvikið átti sér stað á síðasta sunnudag, skammt frá Huyton and Prescot golfklúbbnum sem er í Liverpool. Lögregla mætti á staðinn og fann mann með áverka á andliti og rifbeinum.
Svo var hann í gær dæmdur sekur í meiðyrðamáli gegn Eni Aluko, fyrrum landsliðskonu Englands.
Aluko, sem hefur starfað sem sérfræðingur í sjónvarpi síðustu ár, stefndi Barton eftir að hann birti 48 færslur um hana á samfélagsmiðlinum X árið 2024.
Í einni færslunni var Barton búinn að klippa höfuð Aluko inn á líkama Rosemary West, sem er einn frægasti raðmorðingi í sögu Bretlands.
Lögmaður Aluko sagði Barton hafa staðið fyrir „rógburðarherferð" en hann var dæmdur til að greiða Aluko 339 þúsund pund í miskabætur. Það eru tæpar 57 milljónir íslenskra króna. Fyrsta greiðsla, 100 þúsund pund auka vaxta, þarf að berast fyrir 24. mars næstkomandi.
Barton hefur oft áður komist í kast við lögin en hann var sakfelldur á síðasta ári fyrir að ráðast á eiginkonu sína.
Eni Aluko.
Athugasemdir
