Ég var alltaf með augað á þessu tímabili
Kom við sögu í þremur leikjum undir lok síðasta tímabils.
KR-ingarnir Jói Bjarna og Birgir Steinn með U19 árið 2022.
„Undirbúningstímabilið hjá okkur er að leggjast mjög vel í mig, við erum að æfa mjög vel, Gaui er að láta okkur andskoti mikið og við erum að byrja vel. Við erum búnir að spila tvo leiki í Reykjavíkurmótinu og það gengur vel. Við erum bara brattir," sagði KR-ingurinn Birgir Steinn Styrmisson.
Birgir er nítján ára og hefur byrjað báða leikina í Reykjavíkurmótinu. Hann var hluti af liði KR sem lagði Val í vikunni.
Birgir er nítján ára og hefur byrjað báða leikina í Reykjavíkurmótinu. Hann var hluti af liði KR sem lagði Val í vikunni.
„Mér fannt það mjög fínn leikur, vorum vel spilandi og hlupum rosalega mikið."
Birgir er með glóðarauga eftir atvik sem kom upp í leik í Reykjavíkurmótinu. „Í leiknum á móti Fram var ég að takast á við Gumma Magg, einn ollari, það er bara fínt. Barátta er hluti af þessu."
Var ekki lengur inn í myndinni hjá Spezia
Birgir er uppalinn í KR, hélt til Ítalíu árið 2021 en sneri aftur í sumarglugganum í fyrra.
„Ég fer út 2021 og það gekk vel, var kominn vel inn í hlutina. Svo meiðist ég frekar illa í lok ársins 2022. Ég fékk 'sports hernia' (íþróttakviðslit) sem er mjög leiðinlegt og tekur langan tíma. Ég var lengi að ná mér af því. Ég kem heim í frí, á meðan fellur Spezia úr efstu deild. Ég var byrjaður að æfa með aðalliðinu. Það kom inn nýr þjálfari og að hluta til ný stjórn. Þá var ég ekki lengur inni í myndinni. Þá skoðaði ég hvað ég væri í boði og ákvörðun tekin um að koma heim í KR."
„Það voru alveg fleiri möguleikar en ég er KR-ingur og var alltaf á leiðinni í KR."
Lék á miðjunni í yngri flokkum
Hefurðu alltaf verið varnarmaður?
„Já og nei. Ég í rauninni spilaði alltaf á miðjunni upp yngri flokkana hjá KR. En ég var samt alltaf með það á bakvið eyrað að verða hafsent. Ég á alla mína unglingalandsleiki þannig ég sá alltaf fyrir mér að koma niður í hafsent þegar lengra kæmi."
Hjálpar það að hafa verið á miðjunni í yngri flokkum?
„Algjörlega. Þar ertu með minni tíma, þarft að hugsa hraðar og ert meira með boltann. Núna þegar ég er kominn í hafsentinn held ég að það að hafa spilað á miðjunni hafi hjálpað mér fullt."
Birgir á að baki átján leiki fyrir yngri landsliðin en missti af tveimur síðustu U19 verkefnunum vegna meiðslanna sem hann nefndi.
Var alltaf með augað á þessu tímabili
Hvernig var að koma inn í KR-liðið í ágúst?
„Skrítið fyrir mig. Ég var ekki tilbúinn að fara spila eitthvað. Það tók mig smá tíma að koma mér í leikform og komast inn í hlutina með Rúnari og strákunum. Svo gekk það og ég spilaði tvo leiki sem var skemmtilegt. Ég var alltaf með augað á þessu tímabili (2024)"
KR getur farið alla leið
Hvaða væntingar gerir þú til sumarsins?
„Ég ætla mér að vera í þessu liði og spila vel. Liðið ætlar að gera góða hluti, við erum með góðan hóp, erum með spennandi og skemmtilegt þjálfarateymi og við ætlum okkur góða og mikla hluti í sumar."
Hvað heldurðu að KR geti farið langt?
„Alla leið. Við ætlum okkur stóra hluti í sumar. Við erum búnir að spila vel á undirbúningstímabilinu og við ætlum hærra."
Samkeppni er hluti af boltanum
Það er líf á markaðnum. Þú verður ekkert stressaður ef KR tekur inn annan hafsent?
„Það er bara skemmtilegt og hluti af þessu. Við erum komnir með einhverja 6-7 miðjumenn sem eru að fara keppa við hvern annan, en við erum bara þrír hafsentar. Ég á von á því að fá einhverja samkeppni. Það er bara hluti af þessu," sagði Birgir Steinn.
Í viðtalinu, sem má sjá í heild í spilaranum efst, ræddi hann meira um dvölina á Ítalíu og U19 landsliðið.
