Fylkir fékk Breiðablik í heimsókn í annari umferð Pepsi Max-deildar karla í kvöld og tapaði 0-1 í jöfnum leik. Atli Sveinn Þórarinsson annar af aðalþjálfurum Fylkis var ánægður með spilamennskuna hjá Fylki í dag en ósáttur með að fá á sig mark úr föstu leikatriði.
„Spilamennskan fannst mér fín, við vorum að skapa okkur fín færi, héldum boltanum miklu betur en í síðasta leik og náðum þar af leiðandi að byggja upp fleiri sóknir. Það er hins vegar skítt að fá á okkur mark eftir fast leikatriði."
„Spilamennskan fannst mér fín, við vorum að skapa okkur fín færi, héldum boltanum miklu betur en í síðasta leik og náðum þar af leiðandi að byggja upp fleiri sóknir. Það er hins vegar skítt að fá á okkur mark eftir fast leikatriði."
Lestu um leikinn: Fylkir 0 - 1 Breiðablik
Fylkismenn vildu fá vítaspyrnu í fyrri hálfleik þegar Davíð Ingvarsson togaði niður Valdimar Þór en ekkert var dæmt. Atla fannst þetta vera vítaspyrna.
„Maður upplifði það sem víti en stundum er ekki flautað og þá er það bara þannig. Þetta jafnast allt út og þá fáum við bara víti seinna í sumar."
Arnór Borg Guðjohnsen kom inn á í sínum fyrsta leik fyrir liðið og var næstum því búinn að skora örfáum sekúndum seinna. Atli er spenntur fyrir sumrinu hjá Arnóri.
„Arnór er aðeins öðruvísi leikmaður en það sem við vorum með, hann kom góður inn og bara svekkjandi að boltinn fór ekki inn þarna hjá honum."
„Við vonum að hann sé á leiðinni en stjórnarmenn verða að svara því, við erum að vonast eftir svörum á hverjum degi frá Indónesíska sambandinu en það er lítið um svör þar."
Sagði Atli Sveinn að lokum um stöðuna á Geoffery Castillion sem er mögulega á leið til félagsins aftur.
Athugasemdir