Sigurður Ragnar Eyjólfsson
„Mér fannst við spila mjög vel í dag og áttum frábæran fyrri hálfleik og náðum að spila mjög vel og góðan bolta við erfiðar aðstæður. Vorum mjög sáttir með liðið í hálfleik og vildum reyna að halda þessu út í 90 mínútur og svona megnið af seinni hálfleik áttum við leikinn.“
Sagði Sigurður Ragnar Eyjólfsson annar þjálfara Keflavíkur um sitt mat á leik Keflavíkurliðsins eftir 4-2 sigur á Þrótti fyrr í dag.
Sagði Sigurður Ragnar Eyjólfsson annar þjálfara Keflavíkur um sitt mat á leik Keflavíkurliðsins eftir 4-2 sigur á Þrótti fyrr í dag.
Lestu um leikinn: Keflavík 4 - 2 Þróttur R.
Keflvíkngar sem eiga í harðri baráttu um að komast upp í Pepsi Max deildina geta auk þess að gleðjast yfir góðum sigri glaðst yfir því að vera endurheimta menn úr meiðslum en Sindri Kristinn Ólafsson markvörður þeirra sem óttast var að yrði eitthvað frá var með í dag. Auk þess spilaði Magnús Þór Magnússon fyrirliði Keflavíkur sinn fyrsta deildarleik með liðinu í sumar í dag er hann kom inná sem varamaður en hann hefur ekki spilað síðan 12.júní.
„Já engin spurning jákvætt að fá Magga inn. Búinn að vera frá með beinmar í allt sumar og var besti leikmaður liðsins í fyrra og fyrirliðinn okkar og mjög jákvætt og mikilvægt að hann sé byrjaður að spila aftur þar sem við erum með menn í banni í næsta leik á móti Vestra.“
Joey Gibbs hélt áfram að skora fyrir Keflavík og hefur nú skorað 20 mörk fyrir liðið að loknum 16 leikjum. Sannkallaður gullmoli fyrir Keflavík að hafa.
„Hann er búinn að vera frábær fyrir okkur. og ekki bara í að skora þessi mörk því hann er flottur karakter og frábær í að fá boltann með mann í bakinu. Við höfum ekki tekið það nákvæmlega saman en ég hugsa að ef við myndum skoða þessi 20 mörk sem hann er búinn að skora að þá eru þau nánast öll í fyrstu snertingu. Þannig að hann er að binda endahnútinn á sóknirnar okkar sem hafa verið margar mjög flottar í sumar.“
Allt viðtalið má sjá hér að ofan.
Athugasemdir
