Byrjunarlið Vals og Breiðabliks: Ögmundur byrjar í fyrsta sinn í deild í rúmt ár

Srdjan Tufegdzic, þjálfari Vals, gerir tvær breytingar frá 1-2 tapi gegn Stjörnunni í síðustu umferð. Jakob Franz Pálsson og markvörðurinn Stefán Þór Ágústsson taka sér sæti á bekknum.

Í þeirra stað kemur fyrirliðinn Hólmar Örn Eyjólfsson og Ögmundur Kristinsson.

Ögmundur spilaði síðast deildarleik fyrir Val þann 16. september á síðasta ári. Síðasti leikur Ögmundar fyrir Val var í mars en þá var hann rekinn af velli í sigri Vals á ÍR í undanúrslitaleik Lengjubikarsins.

Halldór Árnason, þjálfari Breiðabliks, gerir þrjár breytingar frá 1-1 jafntefli gegn ÍBV í síðasta leik Breiðabliks. Inn í byrjunarliðið koma þeir Kristinn Jónsson, Viktor Örn Margeirsson og Tobias Thomsen.

Úr byrjunarliðinu víkja þeir Kristinn Steindórsson, Ásgeir Helgi Orrason og Davíð Ingvarsson. Kristinn er í leikbanni en Davíð er utan hóps vegna meiðsla.