Daniel Farke, stjóri Norwich, sat fyrir svörum á fréttamannafundi fyrir leikinn gegn Chelsea í hádeginu á morgun. Farke vann með Thomas Tuchel, stjóra Chelsea, þegar þeir voru báðir hjá Dortmund í Þýskalandi.

Billy Gilmour má ekki spila á morgun þar sem hann er á láni frá Chelsea. Todd Cantwell er ekki klár í slaginn og þá er Christoph Zimmermann frá og verður það næstu sex vikurnar.

„Thomas er einn besti þjálfarinn á plánetunni og ferilskráin er merki um það," sagði Farke. „Við unnum saman hjá Dortmund en núna er mikið að gera þannig það er ekki auðvelt að hittast."

„Að mæta Chelsea á útivelli er líklega erfiðasta verkefni í heimi. Líkurnar eru á móti okkur en niðurstaðan er aldrei 100% örugg," sagði Farke.

Hann bendir á að þrátt fyrir að Romelu Lukaku og Timo Werner séu meiddir sé Chelsea með leikmenn eins og Kai Havertz sem komi inn í liðið.

Norwich er með tvö stig eftir átta umferðir, liðið hefur skorað tvö mörk og fengið sextán mörk á sig.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit