„Hlutverkið fannst mér aðeins hafa breyst, spiltíminn sama sem enginn orðinn og þess vegna fór ég þess á leit við klúbbinn að stoppa núna," sagði Guðmundur við Fótbolta.net í dag.

Guðmundur er þrítugur en hann hefur komið við sögu í sex leikjum í Pepsi Max-deildinni í sumar og tveimur í Mjólkurbikarnum.

Guðmundur er uppalinn hjá ÍA en hann kom til Breiðabliks frá Fjölni fyrir síðasta tímabil.

Samtals hefur Guðmundur spilað 97 leiki í efstu deild á ferlinum og skorað þrjú mörk.