England: Chelsea leiddi Kanarífuglana til slátrunar

Topplið Chelsea mætti botnliði Norwich í fyrsta leik dagsins í ensku úrvalsdeildinni.

Þeir bláklæddu gjörsamlega völtuðu yfir Kanarífuglana og hefur leikurinn auðveldlega getað endað stærra en 7-0.

Mason Mount gerði þrennu fyrir Chelsea en hann klúðraði vítaspyrnu í síðari hálfleiknum. Hins vegar var Tim Kruul kominn af marklínunni og fékk Mount því að taka spyrnuna aftur og skoraði en naumlega þó.

Callum Hudson-Odoi, Reece James og Ben Chilwell komust allir á blað en Chilwell var þarna að skora í sínum þriðja leik í röð. Vinstri bakvörðurinn kominn í markaskónna.

Eitt markanna var sjálfsmark frá Maximillian Aarons en Ben Gibson fékk rautt spjald á 65. mínútu. Martraðar leikur hjá Norwich í dag sem er enn án sigurs í deildinni.

Chelsea er nú með fjórum stigum meira heldur en Liverpool sem situr í öðru sætinu en Liverpool mætir Manchester United á morgun á Old Trafford.