Vilhjálmur Kári Haraldsson þjálfari Breiðabliks var að vonum ánægður með stigin þrjú sem liðið náði í, í dag en fannst spilamennskan ekkert upp á marga fiska.
Lestu um leikinn: Breiðablik 2 - 1 Selfoss
„Mér fannst kannski jafntefli hefðu geta verið sanngjörn úrslit. Við höfum oft spilað betur. Við höfum líka verið rænd stigum, stundum er þetta svona. Það er frábær karakter í stelpunum að klára þetta," sagði Vilhjálmur í viðtali við Fótbolta.net eftir leik.
Fyrsta mark leiksins kom úr vítaspyrnu en fyrr í leiknum hafði Selfoss klikkaði sinni vítaspyrnu.
„Ég upplifði bæðin vítin í leiknum frekar soft. Mér fannst mörg atriði í leiknum orka tvímælis, ekki beint léleg dómgæsla en það var eins og það væri svolítið los á þessu."
Eftir að Breiðablik komst yfir í leiknum jafnaði Selfoss metin einungis nokkrum sekúndum síðar.
„Þetta var smá einbeitingarleysi fannst mér. Við þurfum aðeins að laga það," sagði Vilhjálmur.
Viðtalið í heild sinni er hægt að horfa á, í sjónvarpinu hér að ofan.
Athugasemdir
