Dómari leiksins, Janny Sikazwe frá Sambíu, komst í heimsfréttirnar fyrr á þessu ári.

Hann dæmdi þá leik Túnis og Malí og flautaði leikinn af þrettán sekúndum áður en 90 mínútur voru liðnar. Áður hafði hann flautað leikinn af eftir 85 mínútur en gerði sér þá grein fyrir mistökunum og lét leikinn halda áfram.

Skýringin frá fótboltasambandi Afríku var sú að Sikazwe hefði einfaldlega fengið sólsting. Hann er sagður hafa farið á sjúkrahús að jafna sig eftir leikinn.

Sikazwe og hans aðstoðarmenn voru áberandi í leiknum í gær þar sem þeir dæmdu vítaspyrnu fyrir Kanada, en þeir hefðu átt að fá aðra vítaspyrnu í fyrri hálfleik.

„Þú getur ekki gert svona mistök á HM. Þetta er óréttlátt," sagði Bernardeschi yfir leiknum í gær.

Það var dæmd rangstaða þegar Eden Hazard sendi boltann til baka á leikmann Kanada sem féll svo í teignum. Réttilega hefði átt að dæma vítaspyrnu en búið var að flauta rangstöðu og því ekki hægt að snúa dómnum við.

Kanada spilaði frábærlega í leiknum en töpuðu 1-0. Þeir klikkuðu á vítaspyrnunni sem þeir fengu í leiknum.