MLS deildin í Bandaríkjunum er komin á fulla ferð en Dagur Dan Þórhallsson og Nökkvi Þeyr Þórisson spiluðu sinn fyrsta leik með sínum liðum í nótt.
Dagur var á sínum stað í byrjunarliði Orlando City sem gerði markalaust jafntefli gegn FC Montreal.
Róbert Orri Þorkelsson er leikmaður Montreal en hann er fjarverandi vegna meiðsla.
Nökkvi Þeyr var í byrjunarliði St. Louis City sem fékk Real Salt Lake í heimsókn. Gestirnir náðu forystunni þegar stundarfjórðungur var til leiksloka en St. Louis jafnaði metin stuttu síðar og þar við sat.
Nökkvi var tekinn af velli á 67. mínútu.
Athugasemdir
