Fótbolti.net ræddi við Bödda í dag. „Mín mál standa þannig að ég er bara að skoða í kringum mig og félagið líka," sagði Böddi.

„Það er ennþá möguleiki að ég verði þarna áfram, ég tel það ólíklegt en við sjáum bara hvað gerist."

Hvernig var að heyra að þú fékkst ekki strax samningsboð frá félaginu?

„Það kom mér að minnsta kosti á óvart að þeir vildu ekki koma með tilboð strax en skiljanlegt á sama tíma að þeir vilji skoða í kringum sig og sjá hvað hvað annað er í boði. Það er bara partur af þessu," sagði Böddi.

Hann var í byrjunarliði Helsinborg í 27 af 30 leikjum liðsins í deildinni, hann missti einungis af leikjum vegna leikbanns. Einungis þrisvar var hann tekinn af velli fyrir 90. mínútu. Böddi lagði upp tvö mörk á tímabilinu.

Andreas Granqvist, fyrrum leikmaður Helsinborg, samherji Böðvars fyrri hluta tímabilsins og fyrirliði sænska landsliðsins, er yfirmaður íþróttamála hjá félaginu.

„Böddi spilaði 30 leiki á þessu ári og hefur verið mikilvægur leikmaður fyrir okkur. Við höfum ekki tekið 100% ákvörðun en hann hefur ekki fengið nýtt tilboð frá okkur. Það þýðir að honum er frjálst að semja við annað félag„" sagði Granqvist fyrr í þessum mánuði.