„Virkilega ánægður með sigur fyrst og fremst. Við vorum mjög góðir í fyrri hálfleik, yfirspiluðum þá. Í restina fá þeir 2-3 dauðafæri og við getum þakkað fyrir að hafa endað með að taka þrjú stig," sagði Jón eftir sigur hans manna á Magna í dag á Grenivíkurvell.
Fram skoraði tvö mörk á fyrstu 15 mínútunum.
„Mér fannst við vera að spila fínan fótbolta, við vorum að færa boltann vel á milli og vorum að skapa þeim usla. Fannst við kannski klaufar að hafa ekki skorað fleiri mörk fyrr. Það er alltaf erfitt þegar það er bara eitt mark sem skilur að."
Liðið er með tvo sigra eftir fyrst tvo leikina.
„Við höfum þurft að rótera aðeins í liðinu og þurft að kafa í hópinn okkar. Menn hafa bara svarað kallinu þegar það kemur bæði í bikarleikjum og þessum leik í dag. Mjög ánægður með hópinn í heild sinni."
Fram tekur á móti Aftureldingu í næstu umferð.
„Alltaf gott að vera heima og við erum með fínan heimavöll í Safamýrinni. Hlökkum bara til að halda áfram og takast á við Aftureldingu. Aftur bara hörkluleikur og flott lið. Við þurfum bara að vera tilbúnir í það ef við ætlum að fá eitthvað út úr því."
Viðtalið má sjá í heild sinni hér að ofan.
