Lestu um leikinn: KA 4 -  2 Fylkir

„Við gáfumst aldrei upp og héldum áfram. Þetta var leikur alveg fram á síðustu mínútu. Þegar við köstum öllum fram í lokinn þá ná þeir einni skyndisókn og þetta endar 4-2. Það segir kannski ekki allt um leikinn."

Fylkir endar í áttunda sæti með 28 stig.

„Við endum með fleiri stig en í fyrra en samt á sama stað í deildinni. Við erum þar sem allir spáðu okkur að við yrðum þannig við getum sagt að þetta sé á pari. Við höfðum það að markmiði að vera aðeins ofar. Ég er svekktur að hafa tapað þessum leik sem hefði geta skilað okkur ofar á tölfuna en svona er þetta tímabil búið að vera, upp og niður. Við skorum mikið en fáum líka mikið af mörkum á okkur og það verður okkur stundum að falli."

Þetta var síðasti leikur Helga sem þjálfari Fylkis.

„Ég kveð 100% sáttur. Þetta er búið að vera frábær tími og búinn að vera stöðugur uppgangur í þessu síðan liðið féll. Við erum búnir að stabílera þetta lið sem fínt úrvalsdeildarlið. Ef það er rétt haldið á spöðunum eru stórir möguleikar í Árbænum. Frábær klúbbur að vera í. Ég kveð klúbbinn með söknuði en stoltur yfir því sem búið er að afreka. Það kemur í ljós hvað ég geri. Nú liggur maður undir feld um næstu skref. Við sjáum bara til en það eru ýmis möguleikar opnir og það hljóta að koma svör í næstu viku. "

Umræða hefur verið í gangi að mögulega sé Helgi að fara að taka við ÍBV.

„Við höfum bara verið að einbeita okkur að klára þetta tímabil og hvort sem ég væri að tala við þá eða einhverja aðra þá væri það ekki það sem ég væri að tala við þig um. Það hlýtur að heyrast bráðum hvað ég ætla að gera."

Helgi ætlar sér að halda áfram í þjálfun og er þakklátur fyrir tímann hjá Fylki.

„Já ég hef mjög gaman af þessu. Ég vil líka þakka Fylkir fyrir að vera sá klúbbur sem tók sénsinn á mér og gaf mér þetta stóra tækifæri. Það er búið að vera alveg magnað að vera í Árbænum og fá að kynnast þessum klúbbi og fólkinu í kringum hann. Ég kveð þá með söknuði en hlakka til nýrra áskoranna."

Viðtalið má sjá í heild sinni hér að ofan.