Fati kom inn af bekknum og gerði sigurmark Barcelona á útivelli gegn Inter í lokaumferð riðlakeppninnar.

Börsungar mættu til leiks með varalið enda búnir að vinna riðilinn en Inter þurfti sigur til að tryggja sig áfram.

Leikurinn var opinn og fjörugur og var staðan jöfn 1-1 þar til Fati gerði laglegt sigurmark með skoti utan teigs sem fór í stöngina og inn.

Fati bætti met Peter Ofori-Quaye, sem var 17 ára og 194 daga gamall þegar hann skoraði fyrir Olympiakos 1. október 1997.