Dagur Dan Þórhallsson skoraði annað deildarmark sitt fyrir Orlando City sem vann 3-0 sigur á Montreal í MLS-deildinni í nótt.
Dagur, sem er 23 ára gamall, hefur verið að blómstra í hægri bakverðinum hjá Orlando.
Hann fékk lítið að spreyta sig í byrjun leiktíðar og yfirleitt notaður þá framarlega á vellinum, en samkeppnin var mikil og kom ekki eins mikið út úr honum þar og menn höfðu vonast eftir.
Það var ekki fyrr en Oscar Pareja, þjálfari liðsins, ákvað að henda honum í hægri bakvörðinn sem boltinn fór að rúlla og er hann fastamaður í dag.
Dagur gerði annað mark sitt fyrir liðið í nótt í 3-0 sigri á Montreal, en hann kom þá á ferðinni úr hægri bakverðinum, mætti á fjær og potaði boltanum í netið.
Hann lék allan leikinn í sigrinum og er Orlando í öðru sæti austur-deildarinnar með 54 stig. Róbert Orri Þorkelsson var ekki með Montreal vegna meiðsla.
Þorleifur Úlfarsson var á bekknum en kom ekki við sögu í markalausu jafntefli Houston Dynamo gegn Dallas.
Nökkvi Þeyr Þórisson kom á meðan inn á sem varamaður á 89. mínútu í 4-1 sigri St. Louis á Sporting Kansas. St. Louis er í efsta sæti Vestur-deildarinnar með 56 stig.
Torres ?? Rafa Santos ?? McGuire ?? Thorhallsson ?? ????
— x - Orlando City SC (@OrlandoCitySC) October 1, 2023
???? #MLSSeasonPass on @AppleTV: https://t.co/ONQ7Yi28bN pic.twitter.com/lwfBpaxdo4
Athugasemdir
