Albert er frá vegna meiðsla og gat því ekki verið með Genoa annan leikinn í röð.

Ruslan Malinovskiy hefur að vísu gert ágætlega í fjarveru hans, en hann skoraði í síðasta leik og aftur í dag.

Matteo Cancellieri jafnaði metin fyrir Empoli þegar rúmar tuttugu mínútur voru eftir og sættust því liðin á að deila stigunum. Genoa er í 15. sæti með 15 stig en Empoli í 17. sæti með 11 stig.

Milan vann þá þægilegan 3-1 sigur á Frosinone á San Siro í Mílanó-borg.

Serbneski framherjinn Luka Jovic skoraði sitt fyrsta mark fyrir félagið undir lok fyrri hálfleiks með góðu skoti og þá tvöfaldaði Christian Pulisic forystuna snemma í þeim síðari.

Fikayo Tomori gerði þriðja markið af stuttu færi áður en gestirnir minnkuðu muninn eftir laglega aukaspyrnu Marco Brescianini. Milan er í 3. sæti með 29 stig en Frosinone í 11. sæti með 18 stig.

Lazio lagði þá Cagliari að velli, 1-0. Pedro Rodriguez skoraði eina mark leiksins á 8. mínútu.

Úrslit og markaskorarar:

Genoa 1 - 1 Empoli
1-0 Ruslan Malinovskiy ('37 )
1-1 Matteo Cancellieri ('67 )

Lazio 1 - 0 Cagliari
1-0 Pedro ('8 )
Rautt spjald: Antoine Makoumbou, Cagliari ('27)

Milan 3 - 1 Frosinone
1-0 Luka Jovic ('43 )
2-0 Christian Pulisic ('50 )
3-0 Fikayo Tomori ('74 )
3-1 Marco Brescianini ('82 )