Man Utd og Dortmund vinna að skiptidíl - Osimhen til Chelsea?
banner
   mið 04. október 2023 15:30
Elvar Geir Magnússon
Níu í banni í lokaumferð Bestu deildarinnar
watermark Felix Örn Friðriksson.
Felix Örn Friðriksson.
Mynd: Fótbolti.net - Eyjólfur Garðarsson
Aganefnd KSÍ kom saman í gær og nú er það opinbert hvaða leikmenn verða í banni í lokaumferð Bestu deildar karla um komandi helgi. Það er sérstaklega mikil spenna í fallbaráttunni.

Felix Örn Friðriksson getur ekki hjálpað sínum mönnum í ÍBV sem taka á móti Keflavík, þar sem hann tekur út bann vegna uppsafnaðra áminninga. Eyjamenn eru í fallsæti fyrir lokaumferðina.

Sindri Þór Guðmundsson og Oleksii Kovtun taka út leikbann hjá Keflavík.

ÍBV er tveimur stigum á eftir Fylki sem tekur á móti Fram.

Þá verður Sveinn Margeir Hauksson í banni hjá KA og Örvar Eggertsson hjá HK þegar liðin mætast á Akureyri.

Í leikbanni í efri hlutanum:
Davíð Örn Atlason verður í banni þegar Íslandsmeistarar Víkings taka á móti Val. Víkingur fær bikarinn eftir leikinn. Birkir Már Sævarsson tekur út bann hjá Val.

Tveir leikmenn Breiðabliks, Damir Muminovic og Anton Logi Lúðvíksson, verða í banni gegn Stjörnunni.

laugardagur 7. október

Besta-deild karla - Efri hluti
14:00 FH-KR (Kaplakrikavöllur)
14:00 Víkingur R.-Valur (Víkingsvöllur)

Besta-deild karla - Neðri hluti
14:00 KA-HK (Greifavöllurinn)
14:00 Fylkir-Fram (Würth völlurinn)
14:00 ÍBV-Keflavík (Hásteinsvöllur)

sunnudagur 8. október

Besta-deild karla - Efri hluti
14:00 Breiðablik-Stjarnan (Kópavogsvöllur)
Besta-deild karla - Efri hluti
Lið L U J T Mörk mun Stig
1.    Víkingur R. 27 21 3 3 76 - 30 +46 66
2.    Valur 27 17 4 6 66 - 35 +31 55
3.    Stjarnan 27 14 4 9 55 - 29 +26 46
4.    Breiðablik 27 12 5 10 52 - 49 +3 41
5.    FH 27 12 4 11 49 - 54 -5 40
6.    KR 27 10 7 10 38 - 48 -10 37
Besta-deild karla - Neðri hluti
Lið L U J T Mörk mun Stig
1.    KA 27 12 5 10 42 - 45 -3 41
2.    Fylkir 27 7 8 12 43 - 55 -12 29
3.    HK 27 6 9 12 41 - 55 -14 27
4.    Fram 27 7 6 14 40 - 56 -16 27
5.    ÍBV 27 6 7 14 31 - 50 -19 25
6.    Keflavík 27 2 10 15 27 - 54 -27 16
Athugasemdir
banner
banner
banner
banner