Síðustu leikjum dagsins er lokið hjá atvinnumönnunum okkar sem leika erlendis.
Júlíus Magnússon og Ari Sigurpálsson komu báðir inn af bekknum í 0-2 tapi hjá Elfsborg á heimavelli gegn Häcken.
Þeim var skipt saman inn á 67. mínútu leiksins, þegar staðan var ennþá 0-1.
Meðan Júlíus og Ari voru á vellinum var Elfsborg sterkara liðið, en tókst þó ekki að næla í jöfnunarmark. Þess í stað refsaði Häcken með marki á 93. mínútu til að innsigla sigurinn.
Á sama tíma var sautján ára gamall Tómas Óli Kristjánsson í byrjunarliði AGF sem gerði markalaust jafntefli við OB í æfingaleik í Danmörku.
Tómas Óli er gríðarlega efnilegur leikmaður. Hann er uppalinn hjá Stjörnunni en flutti til Danmerkur í fyrra.
Tómas er algjör lykilmaður í yngri landsliðum Íslands þar sem hann hefur skorað 8 mörk í 19 leikjum.
Athugasemdir
