„Hún er bara ótrúlega sæt. Það fer okkur mjög vel að spila hér í Laugardalnum. Siðast voru við hinum megin við götustíginn og þá sóttum við dollu. Núna komum við yfir göngustíginn og sækjum þrjá punkta. Okkur líður mjög vel í Laugardalnum", sagði Ívar Örn Árnason eftir sigur á KR í Laugardalnum og minntist þess að síðast þegar liðið spilað í Laugardalnum þá urðu þeir Bikarmeistarar.
KA sigraði Víking 2-0 í úrslitaleik Mjólkurbikarsins í fyrra, og leikmenn liðsins eiga því góðar minningar úr Laugardalnum. Þessar minningar dvínuðu svo sannarlega ekki eftir úrslit dagsins – þvert á móti voru þær rifjaðar upp á nýjan leik.
KA sigraði Víking 2-0 í úrslitaleik Mjólkurbikarsins í fyrra, og leikmenn liðsins eiga því góðar minningar úr Laugardalnum. Þessar minningar dvínuðu svo sannarlega ekki eftir úrslit dagsins – þvert á móti voru þær rifjaðar upp á nýjan leik.
Lestu um leikinn: KR 1 - 2 KA
Ívar Örn var í banni í síðustu umferð þegar KA menn fengu Val í heimsókn og töpuðu 2-5 þar og hefðu geta fengið á sig enn fleiri mörk. Það var allt annað að sjá til varnarleiksins í dag og alveg greinilegt að liðaði saknaði fyrirliðans í síðasta leik.
„Hann var bara rosalega vel drillaður. Mjög vel settur upp leikur hjá þjálfarateyminu og við vissum nákvæmlega hvernig við vildum hafa þá. Hvaða leikmenn við vildum hafa á boltanum, hvert við vildum ýta þeim, hvert við vildum þrýsta þeim. Það gékk einhvern veginn allt upp í dag"
KA menn náðu að rífa sig upp úr fallsæti að minnsta kosti tímabundið en þurfa að stóla á að Stjarnan sigri FH annað kvöld. En ætlar Ívar að horfa á leikinn og halda með Stjörnunni?
„Já, já en mér finnst samt mjög skrítið að halda með einhverju liði eða eitthvað. Það eina sem þarf að gera er að líta inn á við. Ef við spilum svona agaðan bolta eins í dag þá þarf ég ekki að hafa neinar áhyggjur af framhaldinu"
Viðtalið má sjá í heild sinni í spilaranum hér að ofan.
Athugasemdir
