Viðar Örn Kjartansson byrjaði í fremstu víglínu þegar að Íslenska landsliðið sigraði Albaníu 1-0 á Laugardalsvelli í dag.
„Þetta var lokaður leikur og ekki mikið af færum en við gerðum það sem að við þurftum að gera. Við vorum að vinna með langa bolta og ég vann bolta í loftinu sem ég er ekki vanur að gera. Þetta spilaðist aðeins öðruvísi en ég bjóst við." sagði Viðar eftir leik.
„Þetta var lokaður leikur og ekki mikið af færum en við gerðum það sem að við þurftum að gera. Við vorum að vinna með langa bolta og ég vann bolta í loftinu sem ég er ekki vanur að gera. Þetta spilaðist aðeins öðruvísi en ég bjóst við." sagði Viðar eftir leik.
Lestu um leikinn: Ísland 1 - 0 Albanía
Þetta var þriðji leikur Íslands í undanriðli fyrir EM 2020 og eru þeir með 6 stig núna. Fyrr höfðu þeir unnið Andorra og tapað fyrir heimsmeisturum Frakka.
„Ég er ánægður með að halda hreinu. Við erum ekki búnir að vera að ná í úrslit í seinustu leikjum. Eftir það er sterkt að vinna þótt að það sé ekki alltaf fallegt."
Næst á dagskrá hjá Íslandi er mikilvægur leikur gegn Tyrklandi á þriðjudaginn næstkomandi á Laugardalsvelli.
„Nú þurfum við að byrja að tjekka á þeim. Þeir spila núna á eftir og leikurinn er hér þannig að við höfum forskot uppá hvíld. Það væri rosalega gott að vinna þá." sagði Viðar eftir leik.
Nánar er rætt við Viðar í spilaranum að ofan.
Athugasemdir