Fótbolti.net

Óli Íshólm: Skutu allir í sama horn og í 5. flokki

Rúnar Páll: Þetta eru skrýtnir tímar

Jón Sveins: Fred, Albert og Orri áttu ekki að vera í hóp

Ragnar Bragi: Alls ekki fúlir út í hann

Arnar Gunnlaugs: Hann tók ekki línuna alla leið

Daníel Laxdal: Við fundum glufurnar í þeirra liði

Brynjar Björn: Var pínu órólegur á kafla

Magnús Már: Vonandi er hægt að byrja að spila sem fyrst

Gústi Gylfa: Færð ekki mörg færi á móti Breiðablik

Guðmundur Þór: Klárt mark á mig

Ási Arnars: Þetta eru sérstakar aðstæður

Rúnar Kristins: Öll þjóðin þarf að taka eitt skref til baka

Óskar Hrafn: Hefðum getað lent undir

Arnar Grétars: Ætluðum að gera eitthvað af viti í bikarnum

Höskuldur Gunnlaugs: Fagmannleg frammistaða

Almarr hundfúll að detta úr bikar: Alltaf ömurlegt

Gary Martin: Auðveldara en í Lengjudeildinni

Helgi Sig: 'Masterplanið' gekk eftir

Logi Ólafs: Viljum fara alla leið

Sveinn Elías um enga áhorfendur: Þetta var stórfurðulegt

mið 08. júlí 2020 22:41

@saebjornth

Sæbjörn Þór Þórbergsson Steinke

„Í hvert einasta skipti, og upptökurnar sýna það, þegar er útspark eða innkast þá er bara allt brjálað"

Bjarni Jó sótti þrjá punkta á Þórsvell í kvöld.

Mynd: Fótbolti.net - Hafliði Breiðfjörð

„Ég gleðst yfir stigunum þremur en við erum í sárum eftir að fyrirliðinn okkar fór mjög illa í fyrri hálfleik. Mér fannst þetta ljótur leikur og það var fyrst og fremst dugnaður og kraftur okkar sem skóp þennan sigur. Við spiluðum nær allan seinni hálfleikinn manni færri, ég er hálf meyr eiginlega," sagði Bjarni Jóhannsson, þjálfari Vestra, eftir útisigur á Þór í kvöld.

Lestu um leikinn: Þór 0 - 1 Vestri

Elmar Atli Garðarsson meiddist um miðjan fyrri hálfleikinn og var leikurinn stopp í rúmar tuttugu mínútur þegar hugað var að því hvernig ætti að færa hann af vellinum en hann var ekki hreyfður fyrr en sjúkrafluttningarfólk mætti á völlinn. Hvað gerist?

„Hann [Jónas Björgvin, leikmaður Þórs] hleypur aftan í hann, svo verður hver að dæma fyrir sig hvort það hafi verið viljandi eða ekki. Við vitum að þetta er annað hvort öxlin eða viðbeinið."

Bjarni talar um ljótan leik. Var hann ósáttur við dómgæsluna?

„Ég upplifi þetta þannig að í hvert einasta skipti sem dómarinn blæs í flautuna er ráðist á hann með fullt af mannskap. Það er ótrúlegt að svona reyndur maður skuli ekki hafa betri tök á þessu. Þetta var ljótt allsstaðar og ég ætla ekki að draga okkur undan þessu. Auðvitað urðum við að svara fyrir okkur enÍ hvert einasta skipti, og upptökurnar sýna það, þegar er útspark eða innkast þá er bara allt brjálað. Þetta er handónýtt og þetta var hundleiðinlegt á köflum en ég er ánægður með stigin þrjú."

„Ég er ósáttur við það að dómarinn hefur ekki betri tök á þessu en raun bara vitni. Mér fannst hann missa tökin mjög fljótt."

Sigurinn er sá fyrsti hjá Vestra á þessari leiktíð, gott að fá þessi þrjú stig?

„Þetta er einn erfiðasti útivöllur sem til er og langt og erfitt ferðalag fyrir okkur. Að landa þessu á þennan hátt er bara afrek út af fyrir sig."

Bjarni var næst spurður út í rauða spjaldið sem Vladimir Tufegdzic fékk í upphafi seinni hálfleiks.

„Ég talaði við Túfa áðan og hann vill meina að hann hafi borið olnbogann fyrir sig til að meiðast ekki sjálfur. Ef satt reynist að línuvörðurinn hinu megin hafi dæmt þetta þá finnst mér það helvíti grimmt."

Það var hiti í leikmannagöngunum eftir leik og þurfti að stíga menn i sundur. Sá Bjarni hvað gerðist?

„Ég veit það ekki. Auðvitað er þetta sárt fyrir Þórsarana að tapa en ég veit ekkert hvað gekk á. Ég held þetta sé sjóðandi heitt ennþá," sagði Bjarni.

Hann var að lokum spurður út í stöðuna á leikmannahópnum og svaraði hann því í sjónvarpinu hér að ofan.

Athugasemdir

Nýjustu fréttirnar