„Full mikið kæruleysi að gera þetta svona spennandi en bara geggjað á fá sigur fyrir því," sagði Hallgrímur Mar Steingrímsson leikmaður KA eftir 2-1 sigur liðsins gegn Fylki í Bestu deildinni í dag.
Lestu um leikinn: KA 2 - 1 Fylkir
KA komst í tveggja marka forystu en Fylkir minnkaði muninn og gerði harða atlögu að jöfnunarmarkinu.
„Að mörgu leiti mér að þakka, ég fékk tvö dauðafæri og átti að klára þau. Jaja stóð sig vel, Ívar var geggjaður og Dusan, hrós á þá, þeir lokuðu þessu fyrir okkur í dag," sagði Hallgrímur.
Leikmenn KA sungu og dönsuðu með stuðningsmönnum liðsins eftir sigurinn í dag en stuðningsmennirnir létu vel í sér heyra allan leikinn.
„Þetta er geggjað, maður er ekki vanur svona alvöru stemningu, þetta minnir bara á Krókinn. Þetta gefur manni mikið inn á vellinum, það er illa gaman að spila þegar það er svona mikil stemning," sagði Hallgrímur og vitnaði í stemninguna hjá Íslandsmeisturum Tindastóls í körfuboltanum í vetur.
