Portúgalski landsliðsmaðurinn Joao Palhinha verður formlega orðinn leikmaður Bayern München í dag eða á morgun en þetta segir þýski blaðamaðurinn Florian Plettenberg á X.
Bayern og Fulham náðu saman um kaupverð á dögunum eftir langar viðræður.
Þýska félagið greiðir 47,2 milljónir punda og gerir Palhinha fjögurra ára samning.
Palhinha, sem er 29 ára gamall, stóðst læknisskoðun hjá Bayern á dögunum, en hefur ekki enn skrifað undir samninginn.
Hann hefur yfirgefið Þýskaland og kominn í kærkomið frí en samkvæmt Plettenberg verður undirskriftin líklegast rafræn og mun hún gerast á næsta sólarhringnum.
Athugasemdir