Íslenski framherjinn Jón Dagur Þorsteinsson skoraði í 4-2 sigri danska liðsins AGF á SönderjyskE í dag.
Jón Dagur kom AGF yfir á 6. mínútu en þetta var fjórða mark hans í dönsku úrvalsdeildinni á tímabilinu.
Hann hefur verið afar öflugur með liðinu á þessu tímabili en AGF er nú í 4. sæti með 26 stig.
Jón Dagur fór af velli á 66. mínútu en Eggert Gunnþór Jónsson lék allan leikinn með SönderjyskE á meðan Ísak Óli Ólafsson kom inná sem varamaður á 84. mínútu.
Eggert átti upphaflega að fá eins leiks bann eftir að hann náði sér í fjórðu áminninguna í 3-0 tapinu gegn FCK í síðustu umferð en spjaldið var dregið til baka og var hann því klár í leikinn í dag.
Athugasemdir