Bielsa þokkalega sáttur: Framfarir frá síðasta leik

Mynd: Getty Images

„Við vörðumst vel. Það var erfitt fyrir okkur að sækja en við reyndum samt að gera það allan leikinn," sagði Marcelo Bielsa, stjóri Leeds, í viðtali eftir 1-1 jafntefli gegn Brentford í kvöld.

„Leikmenn skildu allt eftir á vellinum. Við höfðum stjórn á þeirra sóknarmönnum og fórum vel með boltann. Það er ekki auðvelt að gera gegn liði eins og Brentford sem er með góða leikmenn sem eru góðir á boltann."

„Klich spilaði virkilega vel. Pablo var mikið með boltann og gerði hluti með hann. Miðverðirnir voru öruggir með boltann og bakverðirnir voru með stjórn á sínum hliðum."

Leeds var talsvert meira með boltann eða 67% og ógnaði marki heimamanna meira en heimamenn gerðu marki gestanna. Mörkin í kvöld komu eftir klaufaleg mistök markvarða liðanna.

„Við vorum með boltann mikið í kvöld. Við hefðum getað fengið fleiri færi. En ég lít á þetta sem framfarir frá leiknum á laugardag."

Bielsa var spurður út í Kiko Casilla, markvörðinn sem gerði mistök þegar Brentford komst yfir: „Ég þarf ekki að verja Kiko með orðum. Ég hef alltaf stutt hann með mínum gjörðum," sagði argentínski stjórinn.

„Við vorum alls ekki hræddir að spila hér og vildum taka áhættur til að sigra leikinn," sagði Bielsa að lokum.

Championship - karlar

#	Lið	L	mun	Stig
1	Birmingham	15	+14	29
2	Middlesbrough	15	+11	29
3	Stoke City	15	+6	29
4	Wolves	15	+8	28
5	West Brom	15	+6	28
6	Swansea	15	+4	26
7	West Ham	15	+15	24
8	Southampton	15	+14	24
9	Sheffield Utd	15	+3	23
10	QPR	15	+5	22
11	Portsmouth	15	+2	22
12	Norwich	15	+8	21
13	Blackburn	15	-2	19
14	Millwall	15	-2	18
15	Wrexham	15	-2	18
16	Bristol City	15	-8	18
17	Bolton	15	-9	17
18	Lincoln City	15	-10	16
19	Cardiff City	15	-2	15
20	Watford	15	-10	15
21	Charlton Athletic	15	-11	15
22	Burnley	15	-7	13
23	Derby County	15	-16	10
24	Preston NE	15	-17	8