Bielsa þokkalega sáttur: Framfarir frá síðasta leik

„Klich spilaði virkilega vel. Pablo var mikið með boltann og gerði hluti með hann. Miðverðirnir voru öruggir með boltann og bakverðirnir voru með stjórn á sínum hliðum."

Leeds var talsvert meira með boltann eða 67% og ógnaði marki heimamanna meira en heimamenn gerðu marki gestanna. Mörkin í kvöld komu eftir klaufaleg mistök markvarða liðanna.

„Við vorum með boltann mikið í kvöld. Við hefðum getað fengið fleiri færi. En ég lít á þetta sem framfarir frá leiknum á laugardag."

Bielsa var spurður út í Kiko Casilla, markvörðinn sem gerði mistök þegar Brentford komst yfir: „Ég þarf ekki að verja Kiko með orðum. Ég hef alltaf stutt hann með mínum gjörðum," sagði argentínski stjórinn.

„Við vorum alls ekki hræddir að spila hér og vildum taka áhættur til að sigra leikinn," sagði Bielsa að lokum.