Allt bendir til þess að leikur Íslands og Ungverjalands fari fram samkvæmt áætlun þrátt fyrir að Marco Rossi, þjálfari Ungverja, hafi greinst með kórónuveiruna.
Rossi er kominn í einangrun og hefur yfirgefið leikmannahóp og starfslið Ungverja eftir að hann greindist með veiruna.
Enginn hefur verið sendur í sóttkví ennþá en leikmenn og starfsmenn Ungverja fara í skimun í dag til að athuga hvort einhverjir séu smitaðir. Engar fréttir hafa borist þess efnis að smit sé í leikmannahópi Ungverja.
Miðað við reglur UEFA bendir allt til þess að leikurinn fari fram annað kvöld klukkan 19:45.
„Ef þeir eiga 13 leikmenn (þar af 1 markmann) ósmitaða og ekki í sottkví, þa fer leikurinn fram, m.v. reglur UEFA. Ég held það sé engin hætta á öðru en að leikurinn fari fram," sagði Ómar Smárason, fjölmiðlafulltrúi KSÍ, í samtali við Fótbolta.net í dag.
Athugasemdir