Þórður Ingason, markvörður Víkings, var að vonum gríðarlega ánægður eftir 1-0 sigur gegn FH í úrslitaleik Mjólkurbikars karla í dag.

„Tilfinningin er geðveik, þetta ér ógeðslega gaman. Mér fannst við vera góðir í dag. Við vorum miklu betri í fyrri hálfleik og í rauninni í seinni líka þegar að þeir misstu mann af velli. Þannig að við áttum þetta fullkomnlega skilið." sagði Þórður eftir leikinn í dag.

Lestu um leikinn: Víkingur R. 1 -  0 FH

Aðstæðurnar í dag voru vægast sagt erfiðar en mikill vindur blés allann leikinn. Þá var völlurinn einnig rennandi blautur.

„Já það var algjört skítarok. En þetta er jafnt á bæði lið en það var erfitt að lesa þetta þegar maður vildi fá boltann í fangið. En þeir voru svosem ekkert mikið með boltann þannig að það var ekkert mikið stress."

Þórður kom til Víkings fyrir tímabilið eftir að hafa spilað með Fjölni undanfarin ár. Hann segir það ekki hafa verið það fyrsta sem að hann hugsaði að hann yrði bikarmeistari þegar að hann skrifaði undir í vor.

„Þetta var ekki það fyrsta sem að mér datt í hug en auðvitað getur maður alltaf náð einhverri siglingu í bikarnum. Ég er bara einstaklega ánægður það þetta hafi gerst. Þetta er fyrsti titillinn minn á ferlinum og þetta er æðislegt." sagði Þórður.

Tweet

Senda a Facebook Hafdu samband Senda frétt Prenta frétt Frétta leit