Valur tapaði sínum fyrsta leik á tímabilinu í kvöld. Eina mark leiksins kom í uppbótartíma. Varamaðurinn Óskar Örn Hauksson lagði upp fyrir annan varamann, Oliver Haurits og Stjarnan vann 1-0.
Hvað fór úrskeiðis hjá Val í aðdraganda marksins?
Hvað fór úrskeiðis hjá Val í aðdraganda marksins?
Lestu um leikinn: Stjarnan 1 - 0 Valur
„Við unnum boltann en sending og hlaup fór ekki saman. Það hefði verið skynsamlegra að senda boltann innfyrir vörnina. Það er oft gott í fótbolta að virða bara stigið," sagði Heimir Guðjónsson.
Hvernig fannst honum spilamennska Vals?
„Fyrri hálfleikur var upp og niður, hefðum mátt vera betri. Við vorum fínir í seinni hálfleik og sköpuðum góð færi. Samt sem áður fannst mér vanta betri ákvarðanatökur á síðasta þriðjungi. Það var óþarfi að tapa leiknum."
Arnór Smárason og Patrick Pedersen áttu að byrja leikinn en meiddust báðir í upphitun. Heimir hefur aldrei lent í því áður að tveir meiðist rétt fyrir leik.
Heimir telur að meiðsli þeirra séu ekki alvarleg og þá vonast Heimir til þess að Aron Jóhannsson verði einnig klár fyrir næsta leik sem er gegn Víkingi.
„Sjúkraþjálfarinn er þó ekki vongóður um að hann verði klár gegn Víking en vonandi eftir það."
Athugasemdir