„Mjög sterkt. Þetta er mjög erfiður útivöllur til að koma á. Þetta eru leikirnir sem við höfum undanfarin ár verið að klúðra en við erum að klára þessa leiki núna og það skiptir öllu máli,“ sagði Ásgeir Sigurgeirsson tveggja marka maður í 4-1 sigri KA á Keflavík á HS-Orkuvellinum í kvöld.
Lestu um leikinn: Keflavík 1 - 4 KA
Hallgrímur Jónasson aðstoðarþjálfari KA talaði um í viðtali sem tekið var skömmu áður en fréttaritari ræddi við Ásgeir að helsti munurinn á liði KA í dag miðað við í fyrra væri sá að liðið hefði mun meiri liðsheild en áður.
„Ég er hjartanlega sammála. Það er hrikalega góð stemming í hópnum og einhver ára yfir þessu hjá okkur og bara hárrétt hjá honum við erum meira lið. En við þurfum að sýna þetta í meira en fyrstu fjórum leikjunum. Þetta er langt mót og við þurfum að halda þessu áfram.“
Næsti leikur KA er sannkallaður toppslagur gegn Víkingum ef staða liðanna í deildinni er skoðuð, Hvernig leggst sá leikur í Ásgeir sem að öllum líkindum fer fram á Dalvík fremur en Greifavellinum sem hefur átt betri daga.
„Mjög spenntur. Það er gott að fá þennan leik núna og mæta þeim á alvöru velli. Greifavöllurinn er samt heimavöllurinn okkar og hann hefur verið að gefa okkur mikið af stigum undanfarin ár þannig að við verðum að virða hann líka. “
Sagði Ásgeir en allt viðtalið má sjá hér að ofan.
Athugasemdir