Heimir Guðjónsson, þjálfar Vals var kampakátur eftir sigur sinna manna gegn KR á Meistaravöllum.

Valsarar mættu í Vesturbæinn og unnu 3-2 sigur á heimamönnum, Valur skellir sér upp í 10 stig á topp deildarinnar ásamt Víking, KA og FH eftir sigur kvöldsins en KR-ingar eru með 4 stig um miðja deild.

Lestu um leikinn: KR 2 -  3 Valur

„Ég held við getum verið sáttir við þessu þrjú stig, KR-ingarnir voru mjög öflugir í fyrri hálfleik og töluvert betri en við í 35 mínútur, unnu öll návígi, seinni bolta og við náðum ekki að loka á fyrirgjafirnar þeirra.''

„En svo skora Sebe frábært mark eftir hornspyrnu, það kostaði mig 25 þúsund kall, en ég tek það á kassann, það hjálpaði okkur mikið inn í seinni hálfleikinn.''

Afhverju skuldar Heimir 25 þúsund krónur fyrir markið hjá Hedlund?

„Það er mitt að vita og þitt að komast að.''

Viðtalið í heild sinni má sjá í spilaranum hér að ofan en þar fer Heimir um víðan völl, meðal annars nánar í leikinn, fjarveru Arnór og Tryggva og fleira.

Tweet

Senda a Facebook Hafdu samband Senda frétt Prenta frétt Frétta leit